Пекин өрдөгү
Пекин өрдөгү – эт багытындагы өрдөк тукуму. Кытайда чыгарылган. Бою бийик, ири келет. Түсү ак, тумшугу бир аз ийилген, моюну жоон, канаты кичине. Кайырмасынын тирүүлөй салмагы 4 кг, соносу 3,5 кг, 50-60 күндүк жөжөлөрү 2,2-2,5 кг. Жылына 130–150 жумуртка тууйт. КМШ өлкөлөрүндө 1925-жылдан багылат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9