Перекоп мойногу
Перекоп мойногу — Крым жарым аралын материк менен туташтырат. Кара деңиздеги Каркинит булунун Сиваш көлүнөн бөлөт. Узундугу 30 кмдей. Бийиктиги 20 жге чейин. Чопо жана кумайлуу топурактан турат. Өтө туздуу көлдөр бар. Перекоп мойногу аркылуу Түндүк Крым каналы өтөт. Мойнокто Граждандык жана Улуу Ата Мекендик согуш мезгилинде катуу салгылашуулар болгон.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9