Петрашов Евгений

Петрашов Евгений (4. 9. 1974-жылы туулган, Фрунзе шаары) – спортчу (сууда сүзүү). СССР спорт чебери, Кыргыз Республикасынын спортуна эмгек сиңирген чебер. Кыргыз Мамлекеттик дене-тарбия институтун (КМДТИ) бүтүргөн (1994). 2002–06-жылдары олимпия оюндарына даярдоо борборунун машыктыруучусу, Кыргыз Республикасынын дене тарбия жана спорт мамлекеттик агенттигинде башкы адис. Кыргыз Республикасынын 15 жолку чемпиону, рекордчусу. Борбордук Азия оюндарынын женүүчүсү.2007-ж. Дүйнө кубогуна катышып, 50 м аралыкка эркин сүзүүдө 24 секундда марага жеткен. 2008-ж. Беларуссиянын ачык биринчилигине, Пекин олимпия оюндарына катышкан.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9