Планшеттик компьютер

Wikipedia дан
Планшеттик компьютер

Планшеттик компьютерлер кадимки биз билген компьютердин акыркы үлгүдөгү жаңы түрлөрү болуп саналат. “Планшет” бул – француз сөзү (фр. рlanchette). Бизче которгондо “талаада жүргөн убакта карта түшүрүүгө, жазууга колдонулуучу кагаз бекитилүүчү такта” дегенди түшүндүрүп, Wi-Fi, 3G/4G кошулган жана кайсы жерде болсоңуз да интернетти пайдаланууга шарт түзүүчү өзгөчө буюм. Ошондой эле атайын офистик документтер менен иштөөгө, сүрөт тартууга багытталгандары да бар. Планшеттердин экранынын диагоналы 4 (10,16 см) дюймдан 21 (53,34 см) дюйм, салмагы 600 гр чейинкилер бар. Ал эми дүйнө жүзүндөгү Sony компаниясы тарабынан чыгарылган Xperia Tablet Z2 үлгүсүндөгү эң ичке планшеттин экраны 10,1 дюйм, туурасы 6,4 мм, салмагы 426 гр ды түзөт. Ал 3 Гбайт өлчөмдөгү маалыматты эсине тутуп, 8 мегапикселдүү камераны өзүнө камтыйт. Аталган планшеттин процессорунун жыштыгы 600 Мегагерц сандык көрсөткүчүндө болсо, mpeg4 форматындагы фильм, видеолорду көрүүгө жарайт.

Сыналгы[оңдоо | булагын оңдоо]

Дүйнө жүзү боюнча эң жалпак аталган сыналгы LG компаниясы тарабынан чыгарылган OLED үлгүсүндөгү бул сыналгынын туурасы 2,9 мм, экраны 31 дюмду түзөт. Капталынан караганда айнек сымал көрүнгөн бул сыналгыга DVD, плеер туташтырам деп убара тартпастан USB аркылуу сыналгынын өзүнө керектүү маалыматтарды сактап же көчүрүп алып кайталап көрө берсеңиз болот. Сыналгынын учудагы дүйнөлүк базар баасы 9000 доллар.

Айпод (IPOD)[оңдоо | булагын оңдоо]

Айпод (iPod) – “Apple” компаниясы тарабынан иштелип чыгарылган маалымат алып жүрүүчү медиаплеер. Эс-тутумунун кө­лө­­мү 10 гигабайттан 160 гигабайтка чейин болуп, музыка угуп гана тим болбостон, маалымат сактоочу жана алып жүрүүчү каражат катары да кеңири колдонулат. Айпод компьютерге уланат жана салмагы жеңил 200 граммга чейин дайыма жанында алып жүрүп колдонууга ыңгайлуу. Ал эми эң ичке, жалпак Айпод iPod nano 7G плееринин ичкелиги 5.4 мм, экраны 2,5 дюймду түзөт. Сенсордук баскычтуу бул музыка угуучу каражаттын каалаган өңүн 5000-6000 сомдун тегерегиндеги баага сатып алсаңыз болот.

Уюлдук телефон[оңдоо | булагын оңдоо]

Nokia N800

Ал эми эң ичке аталган уюлдук телефон 2007-жылы япониялык Samsung компаниясы тарабынан SGH-U100 үлгүсүндө чыгарылып бүткүл дүйнөгө таратылган. Телефондун туурасы болгону 5, 9 мм, салмагы 60 гр ды түзүп дүйнөдөгү эң ичке жана жалпак телефон катары рекорд коюп, Гиннесс китебине киргизилген. Бул телефон офистик программаларды, МР3-плеер жана 3 мегапикселдүү камераны өзүнө камтый алат.

Ноутбук[оңдоо | булагын оңдоо]

Иштеп жаткан ASUS Eee Pad Transformer. Android 3.2.1 кызматы

Буга чейин Apple MacBook Air үлгүсүндөгү ноутбуктарды эң ичке жана жеңил деп билсек эми андан да ичке эң башкысы ыңгайлуу ноутбукту Inhon компаниясы иштеп чыкты. Ал “Blade 13 Carbon” деп аталып салмагы 870 гр, ичкелиги 10,7 мм ды түзөт. Аталган ноутбук салмагы жана көлөмү менен Apple MacBook Airдан айырмаланбаса башкаруу системалары жана иштөө шарттары бирдей. Эң ичке нутбуктун баасы учурда 1000 доллардын тегерегин түзөт.

Интернеттеги шилтемелер[оңдоо | булагын оңдоо]

Колдонулган адабияттар[оңдоо | булагын оңдоо]