Полиформальдегид
Полиформальдегид, полиоксиметилендер, [–ОСН2–] – формальдегидди полимерлөөдөн алынган синтездик полимер. Полиформальдегид оңой боёлуучу, кадимки температурада эриткичтерде эрибеген, ак түстөгү, тунук эмес кристалл зат. Эрүү t 164–180°С, тыгыздыгы 1,43 г/см3 полиформальдегид катуулугу, бышыктыгы, нымга туруктуулугу менен мүнөздөлөт. 200°Сден жогору ысытканда формальдегидге ажырайт. Полиформальдегид 80°Сде көпкө чейин, ал эми 120°Сде аз убакыт ысытуудан өзгөрбөйт. Күчтүү кислоталардын жана щелочтордун таасиринде бузулат. Формальдегидди жана анын туундуларын полимерлештирүүдөн алынат. Полиформальдегидден була, плёнка, конструкциялык тетиктер, приборлор жана аппараттар үчүн арматуралар алынат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9