Приставкин Николай Яковлевич
Приставкин Николай Яковлевич (3. 3. 1922, Россия, Смоленск областы, Глинковск району, Секерино айылы – 1993, Ысык-Көл областы, Түп району, Түп айылы) – айыл чарба өндүрүшүн уюштуруучу, Социалисттик Эмгектин Баатыры (1966). Улуу Ата Мекендик согуштун катышуучусу. 1942-жылдан Ак-Суу районундагы «1-Май» колхозунда зоотехник, 1945–53-жылдары Жети-Өгүз райондук айыл чарба бөлүмүндө зоотехник, 1953-жылдан Түп районундагы СССРдин 50 жылдыгы атындагы колхоздун башкармасынан төрагасы. Ал башкарган чарба кылкансыз 1 буудайдан жана апийимден мол түшүм алган. Эки Ленин, 3 Эмгек Кызыл Туу, 1-даражадагы Ата Мекендик Согуш ордени жана медалдар менен сыйланган. Түп айылында өзү жашаган көчөгө ысмы берилген.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9