Публицист

Википедия дан

Публицист - өзүнүн негизги ой-пикирин публицистикалык чыгарма аркылуу жайылткан калемгер, жазуучу, журналист, коомдук ишмер. Ал өз доорундагы жана андан мурдакы доорлордогу олуттуу факттар, окуялар, кишилер, көрүнүштөр тууралуу маалыматты талдап, кеңири калайыкка (аудиторияга) публицистикалык чыгарма түрүндө жеткирет.

Публицистика (латынча publicus — "коомдук") коомдун көйгөйлөрүнө арналган чыгармалардын түрү. Коомдук маанайдагы плюралисттик ар кыл пикирлерди чагылдырууда жана саясий жана идеологиялык ой жорумдарды калыптандырууда публицистикалык чыгарманын ролу чоң.

Өтө кадыр-барктуу журналисттик тармакта иштегендер (серепчилер, коламнисттер, жазуучулар, коомдук ишмерлер) публицистикалык ишмердик менен алектенишет. Алар тигил же бул окуяга карата кандайдыр-бир коомдук пикирди калыптандырууну мүдөө кылышат. Алардын чыгармалары мамлекеттик бийликтин тийешелүү кадамдарына таасир тийгизет. Мамлекеттик бийлик менен коомдун ортосунда көпүрө кызматын да аркалашат. Ушунун негизинде калыс журналистиканы "төртүнчү бийлик" деп шарттуу атап коюшат.

Жамаагаттык маалымат каражаты үчүн иштеген фотограф жана видео оператор бир эле учурда өз алдынча публицистикалык жүк аркалаган олуттуу мультимедиалык материал даярдашы да мүмкүн.

Кыскача адабият[түзөтүү | булагын түзөтүү]

  • Айтматов, Чыңгыз (1978). В соавторстве с землею и водою... (Очерки, статьи, беседы, интервью). Фрунзе: Кыргызстан.
  • Кыргыз Совет Энциклопедиясы: 6 томдук/ Башкы редактор Орузбаева Б. Ө./ - Фрунзе: Кыргыз Совет Энциклопедиясынын башкы редакциясы, 1977-1980. - Том 1-6.
  • Урстанбеков Б.У., Чороев Т.К. Кыргыз тарыхы: Кыскача энциклопедиялык сөздүк: Мектеп окуучулары үчүн. – Фрунзе: Кыргыз Совет Энциклопедиясынын Башкы Редакциясы, 1990. 113 б. ISBN 5-89750-028-2
  • Асанов У.А., Джуманазарова А.З., Чоротегин Т.К. Кыргызская наука в лицах. - Бишкек: Главная редакция энциклопедии и Центра госязыка, 2002. - С. 189. (ISBN 5-89750-142-4)
  • Есин Б. И. (2000). История русской журналистики (1703—1917), Москва, Флинта, Наука.
  • Махонина С. Я. (2008). История русской журналистики начала XX века. Москва, Флинта, Наука.
  • Кузнецов И. В. (2006). История отечественной журналистики (1917—2000), Москва, Флинта, Наука.
  • Пасти С. (2004). Русский журналист в контексте перемен. Университет Тампере (диссертация).
  • Краткая литературная энциклопедия, т.6, стлб.72. — М.: Сов. энциклопедия, 1971).

Интернеттеги шилтемелер[түзөтүү | булагын түзөтүү]