Ранчи

Ранчи – Индиянын чыгышындагы шаар, Жаркханд штатынын административдик борбору. Субарнарекха дарыясынын боюнда. Калкы 1,1 млн (2011). Темир жол станциясы. Аэропорту бар. Чыгыш Индиянын саясий, соода жана өнөр жай борбору. Машина куруу, металлургия, тамак-аш ж. б. өнөр жай ишканалары иштейт. Шеллак өндүрүлөт. Илим-изилдөө институттары, жогорку окуу жайлары (анын ичинде 2 университет), театрлар, музейлер бар. Байыркы архитектура эстеликтери сакталган.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9