Реабсорбция

Реабсорбция (ре... латынча absorption – жутуу, сиңирүү) – бөйрөккө, бездерге келген алгачкы секреттен же кан сары суусунун ультра чыпкасынан сууну жана анда эриген затты кайрадан сиңирүү. Каналчалар менен түтүкчөлөрдүн клеткалары суюктуктун өзгөчөлүгүнө жараша организмге зарыл заттарды алат. Реабсорбциянын натыйжасында организмде биологиялык баалуу заттар кармалып, ички чөйрөнүн осмостук активдүү заттарынын концентрациясы сакталат.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9