Резервациялар
Резервациялар, резерваттар – (коргоо, сактоо) – өлкөнүн аз сандуу түпкү калкын (АКШнын индейлери, Австралиянын аборигендери ж. б.) же башка топторду жайгаштыруу үчүн атайын бөлүнгөн аймак. Резервацияларда өзгөчө режим орнотулат, ал – расалык жана улуттук дискриминациянын бир формасы. Резервациялардын социалдык ролу кыйла карама-каршылыктуу, баштапкы учурда ал түпкү этносторду сырткы, бузгуч күчтөрдөн сактоо максатында түзүлгөн. Бирок, резервацияларынын айрымдарында аборигендер белгилүү даражада салттуу жашоо ыңгайын сактап турса, башкалары урук-уруу байланыштарын жоготкон, отурукташып жашоого өтүшкөн. Резервациялар эл аралык соопчулук уюмдардан жөлөк пул алып турушат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9