Роберт Тейлор
Роберт Уильям Тейлор (англ. Robert William Taylor; 1932-жылы 10-февраль – 2017-жылы 13-апрель) – Боб Тейлор (англ. Bob Taylor) катары таанымал болгон америкалык интернет пионери, Тейлор жеке компүтер жана ага тиешелүү болгон башка технологияларга салым кошкон топтун жетекчиси. Тейлор 1965-1969-жылдар арасы ARPA маалыматтарды иштеп чыгаруу техникалык кеңсенин башчысы болгон, кийин, 1970-1983-жылдар арасы ал Xerox PARC информатика илиминин лабораториясынын негиздөөчүсү жана менеджери болгон, ошондой эле, Тейлор 1996-жылга чейин Digital Equipment Corporation компаниянын Системдик изилдөөөр борборунун негиздөөчүсү жана менеджери болгон.
Тейлордун сыйлыктарына Технология жана жаңычылдар жаатындагы улуттук медалы (англ. National Medal of Technology) жана Draper Prize сыйлыгы кирет. Тейлор жеткис бийиктиктеги көз карштары менен таанымал: "Интернет жөн гана технология эмес, интернет – байланыш. Интернет, географияга карабастан, баалуулуктары, ой-пикирлери жана зарылчылыктары бирдей болгон адамдарды бириктирет".