Сабиржан Нишанов

Нишанов Сабиржан (1904, азыркы Кара-Суу району, Дыйкан-Кыштак кыштагы — 1969, ошол эле жерде) — пахтачы, Социалисттик Эмгектин Баатыры (1951). 1935-жылы Кара-Суу районундагы «Кызыл-Шарк» (азыркы X. Таширов атындагы) колхозуна мүчө болуп кирген. 1944-жылдан пахтачылык бригадасынын бригадири. 1950-жылы анын бригадасы 56 га аянттагы пахтанын гектарынан 45,18 ц ден түшүм жыйнап алган. Эки Ленин ордени, медалдар менен сыйланган.

Адабият

• Борбугулов М. Ош областы энциклопедия. Фрунзе 1989-ж.