Селенодезия

Википедия дан

Селенодезия (гр. selene - Ай жана daio - бөлөм) - Айдын өлчөмү менен түспөлүн изилдөөчү илимий тармак.

Алар үч багытта жүргүзүлөт.

  • 1) Айдын инерция эллипсоидин . изилдөө анын ички түзүлүшү жөнүндө талдоо жүргүзүүгө мүмкүндүк берет.
  • 2) Оордук күчүнүн деңгээл беттеринин биринин параметрлери аныкталат: Айдын көлөмүнө барабар болгон көлөмдөгү деңгээл бет селеноид деп аталат. Инерция эллипсоиди менен селеноид Айдын динамикалык түспөлүн мүнөздөйт.
  • 3) Айдын тышкы бети менен аныкталуучу түспөлү анализделет; мындай түспөл геом. түспөл делет да, анын параметрлери аэрофото сүрөткө түшүрүү жана космос геоде- зиясында колдонулуучу өлчөөлөрдөй эле өлчөнөт.

Айга советтик жана америкалык «Луна», «Зонд», «Лунар Орбитер» жана «Аполлон» космос аппараттарынын учушу Ай бетинде жана Айдын айланасындагы мейкиндикте изилдоө жүргүзүүгө жардам берди.

Колдонулган адабияттар[түзөтүү | булагын түзөтүү]

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.