Скорина Франциск

Википедия дан

Скорина Франциск (1490-жылдан мурда, Полоцк - 1541-жылга чейин Прага) - белорустун туңгуч китеп басып чыгаруучусу жана агартуучу.

1504-жылы Краков университетинде окуп, философиянын бакалавры даражасын алган. 1512-жылы Падуа университетине медицинанын доктору деген даража алуу үчүн экзамен берген. Скорива китеп басуу ишин Прагада баштаган. 1517-жылы ал «Псалтырды» славян тилинде чыгарган. 1517-19-жылдары Библиянын 19 китебин баскан. Скоринанын китептеринин көркөм жасалгасы мыкты болгон 20-жылдардын башында Вильнюска келип, азыркы СССРдин аймагында биринчи басмакана ачкан.

1522-жылы «Кичинекей жол китепчесин», ал эми 1525-жылы славян тилинде «Апостолду» басып чыгарган. Скорина басып чыгарган китептерине өзү баш сөз, корутунду сөз, эскертүү, түшүндүрмөлөрдү жазган. Анын гуманисттик идеялары чыгыш славян элдеринин коомдук-саясий турмушуна таасирин тийгизген Белорус адабий тилинин калыптанышы жана белорус жазмасынын өнүгүшү да Скоринанын ысымына байланыштуу. Өмүрүнүн акыркы жылдарыңда Прагада король Фердинандга врач жана багбан болгон.

Колдонулган адабияттар[түзөтүү | булагын түзөтүү]

Журналистика энциклопедиясы. 1-том. Түз., А.А. Джапанов –Б., 2016. – 360б. ISBN 978-9967-19-414-4