Сумсар айыл аймагы

Википедия дан
Jump to navigation Jump to search

Сумсар айыл аймагы - Чаткал районундагы администрациялык-аймактык бирдик. Борбору - Сумсар айылы. 1984-жылдан Чаткал районунун курамында.

Шакафтар (Мончокдөбө, Кызыл-Коргон участкалары) Сумсар (Жунус) айылдары карайт. Бишкек шаарынан 600 км, облустун борбору Жалал-Абад шаарынан 270 км түндүк-батышта, райондун борбору Каныш-Кыя айылынан 145 км түштүк-чыгыш тарапта. 1952-жылдан Сумсар шаарчалык Кеңеши, 1996-жылдан Сумсар айыл өкмөтү, 2012-жылдан азыркыдай аталат. Төрагалары - Садыкова, Райкан Мырзабеков, 3.П.Бутенко (1972-80), К.Чотоев (1980-87), К.Мамыралиев (1987-89), Н.Е.Приходченко (1989-91), К.Р.Марайымбеков (1991-95), К.Чотоев (1995-98), Т.Д.Орозбаев (1997-2006), A.С.Батирханов (2006-2014), О.Ботобеков (2014-2015), 2015-жылдан А.Рыспеков.

      • Калкы 6033 (2015); а.и.кыргыздар 5707, орустар 22, өзбектер 178, тажиктер 98, ж.б.

улуттар жашайт. Негизинен дыйканчылыкта, өнөр жайында жана мал чарбасында эмгектенишет. Жеринин жалпы аянты 4249 га. Айдоо аянты 163 га, а.и.сугат жсри 93 га, кайрагы 70 га, жайыты 3012 га. Аймагында 172 фермердик, 1 дыйкан чарба уюшулган, 24 соода түйүну, 3 орто мектеп (Шакафтар жатак-лицейи, Ю.А.Гагарин жана Сумсар орто мектеби), 2 бала бакча, муз. мектеп, көркөм-өнөр мектеби, республикалык учук оорулар ооруканасы (200 орундуу), участкалык оорукана, 2 маданият үйү иштейт.

Колдонулган адабияттар[оңдоо | булагын оңдоо]

Чаткал району: Энциклопедия / авт.-түз. А.Орозов и др. - Б.: «Принт Экспресс» б., 2015. - 368 б., илл. ISBN 978-9967-27-851-6