Такты

Такты – монархтар (падыша, король, хан, князь ж. б.) үчүн дайындалган атайын орундук. Бийигирээк жерге орнотулуп, негизинен кандайдыр бир салтанаттуу шаан-шөөкөт учурунда (падышага таажы кийгизүү, чет өлкөлүк элчилерди кабыл алуу ж. б.) пайдаланылат. Тактооч деген түшүнүк байыркы дүйнөдөн баштап кабыл алынып, алгач кабарлар Библия жана Гомердин эмгектеринде кезигет. Азыркы учурда монархиялык түзүлүш сакталган мамлекеттерде колдонулат.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9