Таман-Негара

Таман-Негара – Малайзиядагы улуттук парк. Малакка жарым аралынын түштүк-батышында. Аянты 436 миң га. Алгач 1925-жылы Тахан резерваты аталып, 1938-жылдан улуттук парк. Тоолору – нымдуу тропик токойлору менен капталган плато. Паркттын аймагында Малакка жарым аралынын эн бийик жери Гунуг-Тахан чокусу (2187 м) орун алган. Ландшафттын жана жунглилер фаунасын (пил, эки мүйүздүү керик, гаур, замбар, Малайя жолборсу ж. б.) коргоо максатында уюштурулган.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9