Тармак топологиясы
Тармак топологиясы (англисче network topology) – тармак жабдууларынын бир-бири менен байланышкан схемасы (конфирациясы). Тармак топологиясы тармактагы түзүлүштөрдүн логикалык байланышын, башкача айтканда берилиштердин бир түзүлүштөн экинчисине өтүү жолдорун аныктайт. Компьютер же принтер тибиндеги тармакка түздөн-түз туташтырылган түзүлүш чоку деп аталат. Тармакка туташтырылган жеке компьютерлер көп учурда жумушчу станциялар деп аталат. Тармак топологиясы жылдызча, жолчо (шина) жана шакекче же алардын бирикмеси түрүндө түзүлөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9