Татаал функция

Татаал функция – функциядан көз каранды функция. Эгерде у чоңдугу и дан функция болуп, башкача айтканда y=f(u), ал эми u өз кезегинде хтен функция болсо, башкача айтканда у=φ(х), анда у чоңдугу хтен татаал функция деп аталат жана y=f[m(x)] деп жазылат. у чоңдугу көз каранды болбогон аргументинен татаал функция, ал эми u арадагы аргумент деп аталат. y=f[m(x)] татаал функциясы f(u) функциясынын аныкталуу облусуна кирүүчү φ(х) функциясындагы хтин маанилери үчүн гана аныкталат. Мисалы, у=u³, u=cos³ болсо, анда u=cos³x татаал функциясы хтин бардык чыныгы маанилери үчүн аныкталат. Ал эми y=lgu, u=cosx болсо, анда y=lgcosx татаал функциясы cosx>0 болгондо гана хтин чыныгы маанилери үчүн аныкталат. Татаал функцияны функциялардын композициясы аркылуу да аныктаса болот. Мисалы, көп аргументтүү ар кандай рационалдык функцияны арифметикалык 4 амал колдонулган функциялардын композициясынан түзүлгөн татаал функция катары кароого болот f(х, у)=х³+2х²у+ху-3ху²+5у⁴х функциясы х+у, ху, х-у, у/х функцияларынын композициясынан турат.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9