Таяныч пункту (аскердик)

Таяныч пункту (аскердик) – каршылаш душманынан коргонуу үчүн ок атуучу куралдар менен күчтөндүрүлүп, тегерете бекемделген курулуш комплекси (пункт, позиция). Таяныч пунктун орнотууда бардык тарабына байкоо жүргүзүүгө жана натыйжалуу аткылап турууга ылайыктуу жер тандалып, аны коргоо милдети негизинен рота же взводго жүктөлөт. Таяныч пункту үчүн согуш жүргүзүү жана коргонууга ылайыкташкан окоп, бир-бирине байланышууга мүмкүнчүлүк бере турган траншея, өздүк курамды жашырууга мүмкүн болгон блиндаж ж. б. танктарга каршы ар кандай тоскоолдуктар даярдалып, кылдаттык менен жашырылат.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9