Убукеев Айткулу

Wikipedia дан
Jump to navigation Jump to search

(КУБАТБЕК У.)

(1905–1973)

Жазуучу, котормочу, журналист Айткулу Убукеев Пржевальск уездиндеги Кереге-Таш айылында 1905-жылы туулган. 1921-жылы мугалимдерди даярдоочу алты айлык курсту аяктагандан кийин Кереге-Таш айылында башталгыч мектептин мугалими болот.

1925-жылдан баштап А.Убукеев «Кызыл Кыргызстан» гезитинин адабий кызматкери, «Ленинчил жаш» гезитинин жооптуу редактору, 1928–1930-жж. комсомолдун Каракол кaнтондук комитетинин катчысы, 1932-жылга чейин, «Кызыл пахтачы» гезитинин жооптуу редактору болуп, пар-тиялык жана советтик кызматтарды аткарып, 1935–1937-жж. Москва шаарындагы Советтик курулуштун жогорку курсунда окуйт. Окууну бүткөндөн кийин «Кызыл Кыргызстан» гезитинин редакциясында иштейт. 1955 – 1965-жж. «Чалкан» журналынын редакциялык коллегиясынын мүчөсү, редактору, башкы редактору болгон.

1964-жылы Кыргызстан мамлекеттик басмасынан А.Убукеевдин «Чыр-Дөбө» аттуу повести кыргыз тилинде 1974-жылы орус тилинде чыгат. Ал эми алгачкы «Жыргал» аңгемелер жыйнагы 1954-жылы жарык көргөн.

Ал У.Кубатбек деген псевдоним менен жүз элүүдөн ашык фельетондорду жана жүздөн ашык очерктерди жазган.

1942-жылдан СССР Жазуучулар союзунун, 1930-жылдан СССР Журна-листтер союзунун мүчөсү болгон.

А.Убукеев «Ардак белгиси» ордени, «Эмгектеги артыкчылыгы үчүн», «1941–1945-жылдардагы Улуу Ата мекендик согуштагы каарман эмгеги үчүн» медалдары жана Кыргыз ССР Жогорку Советинин Президиумунун Ардак грамоталары менен, СССР Журналисттер союзунун Ардак грамоталары менен сыйланган.

ЖАРЫК КӨРГӨН КИТЕПТЕРИ[оңдоо | булагын оңдоо]

Кыргыз тилинде
  • Жыргал: Аңгемелер жыйнагы. – Ф.: Кыргызмамбас, 1954. – 120 б.
  • Койчуман: Аңгемелер жана очерктер. – Ф.: Кыргызмамбас, 1955 – 92 б.
  • Арнамыстын уулу: Повесть. – Ф.: Кыргызмамбас, 1956. – 172 б.
  • Байлык. «Акыл оошот, ырыс жугушат»: Очерктер жана аңгемелер. – Ф.: Кыргызмамбас, 1956. – 58 б.
  • Саякат: Аңгемелер, фелъетондор, очерктер. – Ф.: Кыргызмамбас, 1959. – 374 б.
  • Кыз-жигит. – Ф.: Кыргызмамбас, 1961. – 132 б.
  • Бешик баласы беш түлөйт. Аңгемелер жыйнагы. – Ф.: Кыргызокуупед-мамбас, 1961. – 124 б.
  • Чыр-Дөбө: Роман. – Ф.: Кыргызмамбас, 1964. – 258 б.
  • Курандын сөзү кудайдыкыбы? Аңгемелер өспүрүмдөр үчүн. – Ф.: Мек-теп, 1965. – 90 б.
  • Чыр-Дөбө: Роман. – Ф.: Кыргызстан, 1967. – 388 б.
  • Жакшынын шарапаты. – Ф.: Кыргызстан, 1969. – 130 б.
  • Куйругу жок кулаалы: Фельетондордун жыйнагы. – Ф.: Мектеп, 1970. – 135 б.
  • Ак була: Повесть жана аңгемелер. – Ф.: Кыргызстан, 1972. – 172 б.
  • Төрт агайын. – Ф.: Кыргызстан. 1970. – 20 б.
  • Тандалган чыгармалар. – Ф.: Кыргызстан, 1975. – 486 б.
  • Саякат: Чыгармалар жыйнагы. – Ф.: Кыргызстан, 1980. – 464 б.
  • Аксакал: Повесть, эскерүүлөр жана аңгемелер. – Ф.: Кыргызстан, 1985. – 256 б.
Орус тилинде
  • Рассказы, фелъетоны. – Ф.: Кыргызмамбас, 1958. – 80 б.
  • Холм раздоров. – Ф.: Кыргызстан, 1974. – 224 б.

КОТОРМОЛОРУ[оңдоо | булагын оңдоо]

  • Кренкель Э. Т. Ширшов П. Папаиндин лагеринде. – Ф. – Казань: Кыр-гызмамбас, 1940. – 23 б.‏‎