Формалар

Формалар – скульпторлук технологиясында – көчүрмөлөрдү куюп жасоо үчүн арналган пластикалык басылыштар. Ф. көп учурда гипстен жасалып, бир нече бекем бириккен бөлүктөрдөн турат. Алар «кабыкча» же чегилүү каптооч менен капталган. Толук иштелип бүтпөгөн Ф. өзүнүн түзүлүшү жана даярдалуу техникасы боюнча эң жөнөкөй. Ал көчүрмө жасалгандан кийин дароо жок кылынат. Таза (гипс) Ф. бир нече бөлүктөн турат жана көп көчүрмөлөрдү берет. Баарынан жакшыраак деп клей Ф-сы айтылат, ал чоюлчаак желатин массасынан жасалат, к. Калыптар макаласын.

Колдонулган адабияттар

• Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004