Хвольсон Даниил (Иосиф) Абрамович

Хвольсон Даниил (Иосиф) Абрамович (21. 11(3.12). 1819, Вильнюс - 23. 3 (5.4). 1911, Петербург) - орус чыгыш таануучу-семитолог, гебраист жана арабисти, тарыхчы, лингвист.

1855-ж. Лейпцигде философия илимдин доктору даражасын алган. Петербург университетинин проф. (1855-94). Петербург ИАнын мучө-корр. (1858) жана ардактуу мүчөсү (1908). Бреславль жана Лейпциг университеттеринде окуган (1844-48). 1858-жылдан Духовный академияда библиянын тарыхы, археологиясы жана еврей тили боюнча сабак берген. Араб, еврей жана сирия жазууларынын, а. и. Кыргызстандан табылган 13-14-кылымда жазылган несториан-түрк эпиграфикалык эстеликтерди алгачкылардан болуп изилдеген (1886-97). Ассириология, чыгыш эпиграфикасы, байыркы еврей тилинин грамматикасы жана фонетикасы боюнча эмгектери жарыкка чыккан.

Колдонулган адабияттар

• «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4