Хоуллдун кыймылдуу сепили

Wikipedia дан
Jump to navigation Jump to search

"Хоуллдун кыймылдуу сепили"(жап. ハウルの動く城, Хепберн транслитерациясы боюнча : Хауру но Угоку Широ)- 2004-жылы Хаяо Миядзаки тарабынан сценарийи жазылып жана коюлган толук метраждуу анимациялык фильм. Аталган фильм Диана Уинн Жонстун ушул эле ат менен жазылган романынын негизинде тартылган. Тосио Судзуки – фильмдин продюсери, Studio Ghibli тартылып, "Тохо" компаниясы тарабынан таратылган. Япон тилинде Тиэко Байсе жана Такуя Кимура, ал эми англис тилинде Эмили Мортимер, Жиин Симмонс, Лаурен Бакэлл, Кристина Бейл үн коштогон.

Окуя 20-кылымдын башында сыйкырчылык менен технология кеңири тарап жаткан учурдагы ойдон чыгарылган падышалык башка бир падышалык менен согушуп жаткан мезгилге туура келет. Тасмада София аттуу шляпа тиккен бийкечтин кантип бүбү-бакшынын (жез кемпирдин) каргышы аркылуу карыган кемпирге айлангандыгы баяндалат. София Хоулл деген сыйкырчыны кезиктирип, анын туткунуна түшөт. Тасма түп нуска чыгармадан айырмаланат, эгерде роман таптык күрөш жана гендердик нормаларды чагылдырса, фильм сүйүү, ак ниеттүүлүктү жана согуштун кесепеттерин баяндайт". [7]

Тасманын жалпы бет ачары 2004-жылдын 5-сентябрында Венеция кино фестивалында болуп өткөн. Япониянын кино-театрларында 2004-жылдын 20-ноябрынан тарта көрсөтүлө баштаган. Түшкөн каражат Японияда 190 миллион АКШ долларын түзсө, дүйнөлүк деңгээлде 235 миллион АКШ доллар киреше алып келип, япон фильм тартуу тарыхындагы эң кирешелүү фильмдердин катарын толуктаган. Аталган тасма 2006-ж. 78- Оскар киносыйлыгында "Эң мыкты анимациялык фильм" атайын номинациясына көрсөтүлгөн жана бир нече сыйлыктарды, анын ичинде Токио анимация сыйлыгынын төрт номинациясын, Небула сыйлыгынын "Эң мыкты сценарий" номинациясын жеңип алган. Фильм мыкты визуалдык эффектери жана режиссер Хаяо Миядзакинин өзүнүн тематикасын ийгиликтүү чагылдыра алгандыгы үчүн кино сынчыларынын мактоосуна арзыган.

Сюжети[оңдоо | булагын оңдоо]

Тартылгандар[оңдоо | булагын оңдоо]

Шилтемелер[оңдоо | булагын оңдоо]