Чайка Михаил Трофимович
Чайка, Михаил Трофимович (1919-ж. т., Сумы облусу, Кролевец р-ну, Алтыновка кыштагы) – геолог, СССР мамлекеттик сыйлыгынын лауреаты (1953). Кыргыз ССР геол. башкармалыгына караштуу коллекторлорду даярдоо курсун бүтүргөндөн кийин № 3 ж-а № 5 геол. экспедицияларда кенже геолог, геолог болуп иштеген (1939–55). 1955-ж. Казак ССР геол. чалгындоо башкармалыгынын Волков экспедициясында иштеген. Кыргызстандагы сейрек кездешүүчү металлдардын ж-а урандын кендерин издөө, чалгындоо ишине чоң салым кошкон. Эмгек Кызыл Туу ордени ж-а медалдар менен сыйланган.