Чыгыш Көлтөр мөңгүсү

Чыгыш Көлтөр мөңгүсү — Тескей Алатоонун түн. капталындагы өрөөн тибиндеги мөңгү. Уз. 3,1 км, аянты 4,1 км².

Каракол суусунун оң курамы Көлтөрдүн алабынан орун алган. Башы деңиз деңг. 4750 м, этеги 3440 м бийиктикте жатат. Кар чегинин бийикт. 3740 м. «Тили» тик түшүп, тоо тектердин сыныктары м-н чала көмүлгөн. Мөңгүнүн оң жак өңүрүн бойлото орток морена жатат. 1943- ж-а 1956- жылдардагы аэрофотосъёмканын материалдары б-ча тилинин уз. 200 мге, ал эми азыркы морена жалчасы түзүлгөндөн 1962-ж. чейин 560 мге кыскарган. 1955–57, 1961- ж-а 1962-ж. мөңгүгө фототеодолиттик съёмканы кайталоо ыкмасы м-н анын кыймыл аракетине мезгилдүү байкоо жүргүзүлгөн. Жети жылда мөңгү 60 мге тартылган, калыңдыгы 14,5 мге чейин жукарган, б. а. 0,48 км² аянты эрип кеткен, ал 5376 миң м³ди түзгөн. Мөңгүдөн Караколдун оң курамы Көлтөр суусу башталат.

Колдонулган адабияттар[түзөтүү | булагын түзөтүү]

Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2