Щепкин Михаил Семёнович
Щепкин Михаил Семёнович (6(17). 11. 1788, Обоянский губ. Красный кыш., азыркы Белгород обл. - 11(23). 8. 1863, Ялта) - орус актёру.
Орус сахна өнөрүндө реализмди негиздеген. Чыгармачылыгын 1805-ж. Курскидеги бир тууган Барсовдордун театрында актёрлуктан баштаган. 1816-ж. О. И. Калиновский менен И. Ф. Штейндин (Харьков, Полтава ж. б.), 1823-ж. Москва театрынын труппасына, 1924-жылдан Кичи театрга кабыл алынган. Аткарган ролдору: Фамусов (А. Грибоедов, «Акылдан азап»), Шаар башчысы (Н. Гоголь, «Текшерүүчү»), Чупрун (И. Котляревский, «Москаль-сыйкырчы»), Мошкин (И. Тургенев, «Бойдок»), Барон (А. Пушкин «Саран рыцарь»), Брабанцио (У. Шекспир, «Отелло»), Муромский (Сухово-Кобылин, «Кречинскийдин үйлөнүшү»), Любим Торцов (А. Островский «Кедейлик кемтик эмес») ж. б. Ал карапайым адамдардын образын сахнага алып чыгып, ойногон ролдорун турмуштагыдай ачып бергендиги менен айырмаланган. Ал негиз салган сахна реализминин салты Москвадагы Кичи театрда өркүндөп, учурунда Кичи театр «Щепкиндин үйү» деген атка ээ болгон. 1938-жылдан Кичи театр окуу жайы анын ысмында.
Колдонулган адабияттар
[түзөтүү | булагын түзөтүү]- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4