Электр тогу

Wikipedia дан
Jump to navigation Jump to search

Электр тогу -электр заряддалган бөлүкчөлөрдүн же макроскопиялык нерселердин багытталган (иреттүү) кыймылы.

Электр тогунун багыты катары шарттуу түрдө оң заряддалган бөлүкчөлөрдүн кыймыл багыты алынган. Эгер токту терс заряддалган бөлүкчөлөр (электрондор) түзсө, анда токтун багыты бөлүкчөлөрдүн кыймыл багытына каршы деп эсептелет. Электр тогу туруктуу жана өзгөрмөлүү болуп бөлүнөт. Туруктуу Электр тогунун багыты жана чоңдугу убакыттын өтүшү менен өзгөрбөйт. Өзгөрмөлүү Электр тогунун чоңдугу, багыты үзгүлтүксүз өзгөрүп турат. Бирдик убакыттагы (секундада) толук термелүүлөрдүн саны өзгөрмөлүү Электр тогунун жыштыгы деп аталып, ал герц менен өлчөнөт. Электр тогунун чени - ток күчү жана ток тыгыздыгы. Ток күчү - скалярдык чоңдук; ток тыгыздыгы - вектордук чоңдук.

Колдонулган адабияттар[оңдоо | булагын оңдоо]

Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Т. 6. Тоо климаты - Яшма. -656 б.