Эралиева Каныкей

Wikipedia дан
Jump to navigation Jump to search

Эралиева Каныкей (9. 1. 1956-ж. т., азыркы Нарын обл., Ак-Талаа району, Дөрбөлжүн (Баетов) айылы) - композитор, аткаруучу.

Кыргыз ССРдин эмгектин сиңрирген артисти (1988), КРдин эл артисти (2009). 1976-ж. М. Күрөнкөев атындагы Кыргыз мамлекеттик музыкалык-хореографиялык окуу жайын (баян классы) бүткөн. 197680-ж. Чүй обл. Кант ш-дык маданият үйүндө, 1980-88-ж. Кыргыз мамлекеттик телерадиокомпаниясынын хорунда, 1988-90-ж. жеке чыгармачылыкта. 2010-жылдан М. Күрөңкөев атындагы Кыргыз мамлекеттик музыкалык окуу жайында эстрада бөлүмүнүн башчысы. Анын «Жаны жылды тосолу», «Сезимдеги издер», «Ала-Тоо», «Апалар», «Аппак тоолор», «Бала жыты», «Айлуу түн», «Акыркы коңгуроо», «Ак чөлмок», «Бал кымыз», балдар үчүн жазган «Бөбөктөр», «Жаңы жыл жылмаят», «Күлүп кой», «Биздин бакча» ж. б. обондору элге кенири белгилүү. Э-нын жүздөй романс, обондору, 4 бөлүмдөн турган симф. оркестр үчүн сюитасы, чоң хор жана оркестр үчүн кантатасы, фортепиано үчүн сонатасы, пьесалары жана скрипка, виолончель, фортепиано үчүн вариациялары (350дөй чыгарма) бар. «Каныкей Эралиева ырдайт» деген 4 топтомдон турган граммпластинка чыгарылган. «Айыл кечи» (1986, А. Бөдөшев менен бирге), «Коңур күздөгү кусалык» (2003), «Күн балдары» (2007) аттуу обондуу ыр жыйнактары жарык көргөн. К. Молдобасанов атындагы сыйл. лауреаты (2008) . Медалдар менен сыйланган.

Колдонулган адабияттар[оңдоо | булагын оңдоо]

  • «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4