Өскөналиев, Эркалы

Wikipedia дан
Jump to navigation Jump to search

Эркалы Өскөналиев (09.8.1958 туулган) - кыргыздын заманбап акындарынын жана журналисттеринин бири.

Кыскача өмүр таржымакалы[оңдоо | булагын оңдоо]

Эркалы Өскөналиев Кыргызстандын Нарын облусуна караштуу Жумгал районундагы Кабак айылында 1958-жылы 9-августта туулган.

1980-жылы Кыргыз мамлекеттик университетинин журналистика бөлүмүн бүтүргөн.

Эмгек жолун Жумгал райондук «Демилге» гезитинин редакциясында кабарчы болуудан баштаган.

1982-1985-жж. Компартиянын Жумгал райкомунун идеология бөлүмүндө инструктор болгон.

1985-1987-жж. Советтик Армияда рота командиринин саясий иштер боюнча орунбасары катары кызматын өтөгөн.

1987-1990-жж. Компартиянын Жумгал райкомунун уюштуруу бөлүмүндө инструктор болгон.

1990-1992-жж. Жумгал райондук «Демилге» гезитинин редактору болуп иштеген.

Учурда Бишкек шаарында жашайт.

Адабий чыгармачылыгы[оңдоо | булагын оңдоо]

Эркалынын ырлары 1980-жылдардан баштап республикалык гезит-журналдарга жарыялана баштаган.

Кыргыздын көрүнүктүү куудулу жана акылгөйү Куйручук тууралуу изилдөө жүргүзүп, китеп жазган. [1]

"Кудай сүйгөн Куйручук" аттуу көлөмдүү китебин чыгарган жазуучу Эркалы Өскөналиев эми Куйручук жөнүндө роман жзып бүтүрдү, буюрса ал да жарык көрөрүн 2017-жылы ал билдирди. [2]

Эркалы Өскөналиев мамлекеттик тил тагдыры тууралуу ырларынын биринде мындайча жазганы бар:

Өлкөсүндө өгөйлөнөт өз тили,
Өйдөсүнөт, өпкөлөнөт чет тили.
Эгемен эл болгондугуң ушубу,
Эне тилиң кемсинтилди, өксүдү. [3]

Коомдук ишмердиги, уюмдарга мүчөлүгү[оңдоо | булагын оңдоо]

Айтылуу "жайсаңчылар" деп аталган халтурачы топко каршы публицистикалык макалалар жарыялап, алардын түркөйлүгүн ашкерелеген.

1991-жылдан Кыргызстан Жазуучулар Биримдигинин мүчөсү.

Сыйлыктары. Наамдары[оңдоо | булагын оңдоо]

Кыргыз улуттук адабиятын колдоо максатында «Турар» басмасы менен эл аралык адабий-көркөм «Жаңы Ала-Тоо» журналы 2010-жылы мыкты чыгармаларга конкурс жарыялаган. Э.Өскөналиевдин ырлары мында 3-орундагы сыйлыкка татыды.

Үй-бүлөсү[оңдоо | булагын оңдоо]

Жубайы - Чынаркүл Урсейитова (1979-жылы баш кошушкан).

Урмат (уулу, 1980), Гүлнур (1982-жыл), Айнур (1986), Улукбек (уулу, 1991-ж.).

Неберелери бар.

Чыгармаларынын чакан тизмеси[оңдоо | булагын оңдоо]

ЖАРЫК КӨРГӨН КИТЕПТЕРИ:

Кыргыз тилинде

  • Тирүүлүк: Ырлар. - Ф.: Адабият, 1988. - 56 б.
  • Ырдаган ай: Ырлар. - Б.: Адабият, 1995. - 110 б.
  • Үч дабан: Поэмалар. - Бишке: Улуу тоолор, 2017. - 112 бет.


Интернеттеги шилтемелер[оңдоо | булагын оңдоо]


Ички шилтемелер[оңдоо | булагын оңдоо]

  1. http://www.bizdin.kg/ebooks/online/kuiru4uk.html
  2. https://www.azattyk.org/a/kyrgyzstan_pressa_newspapers/28465049.html
  3. https://ru-ru.facebook.com/YrDjn/photos/a.348789398557148.1073741831.346663798769708/349815481787873/