Өсүмдүк географиясы (фитогеография)

Өсүмдүк географиясы (фитогеография) — ботаника менен физикалык географиянын өсүмдүктөрдүн түрлөрүнүн өткөндөгү жана учурдагы географиялык таралуу закон ченемин изилдөөчү бөлүгү. Өсүмдүк географиясынын негизги объектилери: айрым түрлөрдүн ареалдары, ошондой эле Жердин ар кайсы аймактарындагы флора. Флоранын жана анын айрым элементтеринин келип чыгышын айкындоо, ошондой эле флорасы боюнча райондоштуруу өсүмдүк географиясынын негизги милдети.

Байланыштуу макалалар

• Геоботаника

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А., Б.: Мамлекеттик тил жана энциклопедия борбору, 2014. илл. ISBN 978 9967-14-111 -7