Linkin Park

Wikipedia дан

Linkin Park – 1996-жылы Агура-Хиллзде (Калифорния) түзүлгөн америкалык рок-тобу. Топ эл аралык белгилүүлүккө алгачкы Hybrid Theory (кырг. Гибрид теориясы; 2000) альбому менен жеткен, ал Diamond тастыктамасына ээ болгон жана 2005-жылы бир канча өлкөдө RIAA тарабынан мульти ак алтын тастыктамасы ыйгарылган. Кийинки Meteora (кырг. Метеорлор) аталышындагы студиялык альбому топтун ийгилигине салым кошуп 2003-жылы Billboard 200 чартында биринчи орунду ээлеген, андан соң топ гастролдук жана соопчулук ишитерин баштаган.

Hybrid Theory жана Meteora альбомдорунун музыкасын нү-метал жана рэп-метал жанрларын радиого жакын стилге ыңгалаштырып Linkin Park кийинки Minutes to Midnight (кырг. Түн ортосуна калган мүнөттөр; 2007) студиялык альбомунда башка жанрларды изилдеген.Альбом ошол эле жылы үч жума ичинде Billboard чарттарынын биринчи орундарын ээлеген. Linkin Park тобу A Thousand Suns (кырг. Миң күн жылдыздары) (2010) төртүнчү альбому менен түрдүү музыкалык стилдерди жаратууга умтулган, алар басымды көбүрөөк электрондук үнгө жана биттерге (англ. beats) жасаган. Living Things (кырг. Жандуу нерселер; 2012) бешинчи альбому мурунку альбомдорунун баардык музыкалык стилдерин камтыган. The Hunting Party (кырг. Аңчылык кечеси; 2014) алтынчы альбомунда кайрадан оор-рок жанрынын музыкасы пайда болгон. Электрондук жана поп-музыкага багытталган үн жазууларын камтыган One More Light (кырг. Дагы бир түн) аталышындагы жетинчи альбому 2017-жылдын 13-майында жаздырылып чыккан.

2003-жылы MTV2 телевизиондук желеси Linkin Park тобун музыкалык видео доорунун алтынчы эң мыкты тобу жана жаңы миң жылдыктын үчүнчү эң мыкты тобу деп атаган. Billboard Linkin Park тобун "Он жылдыктын эң мыкты артисттери" чартында 19-орунга жайгаштырган. 2012-жылы Linkin Park VH1 каналынын Bracket Madness сурамжылоосу боюнча 2000-жылдардын эң мыкты артисттери болуп жарыяланган. 2014-жылы Kerrang! боюнча топ "Дүйнө жүзү боюнча учурдагы эң ири рок-тобу" болуп жарыяланган. Дүйнө жүзү боюнча Linkin Park 75 миллиондон ашык альбом жана сингл саткан жана эки "Грэмми" сыйлыгына ээ болгон.

Project Revolution 2007

Тарыхы[оңдоо | булагын оңдоо]

Курамы[оңдоо | булагын оңдоо]

Сыйлыктары[оңдоо | булагын оңдоо]

[1][2].



Жалпы жыйынтык[оңдоо | булагын оңдоо]

  1. Album Chart: Linkin Park’s ‘Meteora’ shoots to the top
  2. Полная история создания группы Linkin Park

Шилтемелер[оңдоо | булагын оңдоо]