PlayStation 4

Wikipedia дан

PlayStation 4 (PS4) — Sony Interactive Entertainment тарабынан иштелип чыккан үй видео оюн консолунун сегизинчи муундагы чыгарылышы. 2013-жылдын 20-февралындагы басма сөз жыйынында PlayStation 3түн мураскери катары жарыяланган PS4 15-ноябрда Түндүк Америкада, 29-ноябрда Европада, Түштүк Америкада жана Австралияда, ал эми 2014-жылы 22-февралда Жапонияда жарык көргөн. Ал Nintendo'нун Wii U жана Switch, ошондой эле Microsoft'тун Xbox One консолу менен атаандашат.

Өзүнөн мурда чыккан кыйла татаал Cell микроархитектурадан оолак болгон консол x86-64 архитектурасына куралган AMD Accelerated Processing Unit (APU) өзгөчөлүгүнө ээ. Ал теориялык түрдө 1.84 флопко чейин чыга алат; AMD билдиргендей, ал бүгүнкү күнгө чейин иштелип чыккан "эң күчтүү" APU болуп эсептелет. PlayStation 4 башка түзмөктөр жана кызматтар менен коомдук өз ара аракеттенүүгө, интеграцияга аябай басым жасайт. Анын ичинде PlayStation Vita'да жана башка колдоого алынган түзмөктөрдө ("Remote Play") консолдон тышкары оюн ойноо жөндөмдүүлүгүн, ойноп жатканда онлайн же досторго түз эфирде — алар алыстан оюнду көзөмөлдөшү үчүн ("Share Play") — көрсөтүү жөндөмдүүлүгүн сунуш кылат. Консолдун башкаруучусу дагы кайра жасалып, PlayStation 3түн үстүнөн жакшыртылган. Седептери жана аналогдук стиктери жакшыртылып, тачпады интеграцияланган. Ошондой эле консол HDR10 жогорку динамикалык диапазондогу түстү жана 4K мултимедианы ойнотууну колдойт.

2016-жылдын 7-сентябрында Sony компаниясы кайра карап чыгылган PlayStation 4түн эки жабдыгын ачыкка чыгарган; консолдун жука курулушу жана "Pro" версиясы. Экинчи версияда GPU жогорулатылып, колдоого алынган оюндарды 4K сапатта ойноо үчүн жогорку CPU саат чени орнотулган.

Тарыхы[оңдоо | булагын оңдоо]

Шилтемелер[оңдоо | булагын оңдоо]