Бизон

Бизон (лат. Bison bison) — ача туяктуулар түркүмүнүн көңдөй мүйүздүүлөр тукумундагы сүт эмүүчү. Зубрга жакын, ири бодо, дене узундугу 3 м ге, бийиктиги 186 см, салмагы 1 т га жетет. Денесинин алды жагы чоң, арт жагы кууш, буту жоон, өркөчү бар. Башы, денесинин алдыңкы бөлүгү кара, узун, арт жагы күрөң жүндүү. Бизон ачык талаапрерияны мекендейт. Ургаачысы кичирээк, июль-сентябрь айларында кууттан чыгып, бир музоо тууйт, 2-3 жашында жыныстык жактан жетилет. Териси үчүн аңчылык кылынып, жок болуу коркунучу (50 млн дон 500 баш калган) пайда болуп, Канадада улуттук паркта (Буд-Баффало) жана АКШда (Йеллоустон паркы) корголот. Коргоонун натыйжасында анын саны (талаа түрчөсүяүн) бир аз калыбына келүүдө. Аляск анын борбордук бөлүгүнө акклиматташтырылган. Зубр менен аргындаштырылып, зубрбизон алынган.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4