Кирхгоф Густав Роберт
Кирхгоф Густав Роберт (12.3. 1824, Кёнигсберг — 17. 10. 1887, Берлин) — немец физиги. Берлин Илимдер академиясынын мүчөсү (1874), Петербург Илимдер академиясынын корреспондент мүчөсү (1862). Кёнигсберг университетин бүткөн (1846). 1875-жылдан өмүрүнүн акырына чейин Берлин университетинин математика-физика кафедрасынын башчысы болуп иштеген. Ал оптика, электр-динамика, механика боюнча илимий изилдөөлөрдү жүргүзгөн. Кирхгоф тармакталган электр тизмегинде электр тогунун законун ачкан. Кирхгоф немец химиги Р. В. Бунзен менен бирге спектрдик анализге негиз салган. 1859-жылы жылуулук чыгаруу кубулушунун негизги закондорунун бири — Кирхгоф нурлануу законун ачкан жана физикага абсолюттук кара нерсе түшүнүгүн киргизген.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9