Минданао

Минданао – Филиппин архипелагынын түштүгүндөгү арал. Аянты 94,6 миң км². Жанар тоо массивдери (бийиктиги 2954 м, Апо жанар тоосу) жана саздуу ойдуңдар, ири булуңдар, океанга кирип турган жарым аралдар мүнөздүү. Климаты субэкватордук, муссондук, түштүгү экватордук. Жылдык жаан-чачыны 1000–2000 мм (тоолорунда 4000 ммге жакын). Дайыма жашыл жана жалбырагы күбүлмө тропик токою өсөт. Темир кени бар. Шалы, абака, ананас, кокос пальмасы өстүрүлөт. Ири шаарлары: Давао, Замбоанга.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7