Толобек Абдырахманов

Wikipedia дан
(Абдырахманов Төлөбек Абылович барагынан багытталды)
Jump to navigation Jump to search
Толобек Абдырахманов

Абдырахманов Төлөбек Абылович, 1962-жылы 1-январьда Нарын областына караштуу Куланак айылында туулган. 1980-1982-жылдары Совет армиясында кызмат кылган. Жалпы эмгек стажы 40 жыл. Үй-бүлөөлү, 5 баланын атасы. 1982-жылы СССРдин 50 жылдыгы атындагы КМУга тапшырып, 1987-жылы ийгиликтүү бүтүргөн жана ошол эле жылы КРнын УИАнын аспирантурасына кабыл алынган.

1989-жылы КМУнун тарых факультетинин лаборанты, 1992-жылы Азия, Африка өлкөлөрүнүн тарыхы кафедрасында окутуучу болуп эмгектенген. 1996-жылы кандидаттык диссертациясын ийгиликтүү жактап, тарых илимдеринин кандидаты  даражасында Улуттук университеттин тарых факультетинде декандын орун басары, 1998-2001 жылдары “Кыргызтаануу” окуу-илимий борборунун директору болуп иштеген.

2001-жылдан баштап И.Арабаев атындагы КМУнун Окуу-инспекциялык башкармалыгынын начальниги, 2005-жылы Академиялык иштер боюнча департаменттин директору, ал эми 2006-жылы Университеттин Гуманитардык билимдер институтунун директору болуп иштеген. Ушул эле жылы ага “тарых” илиминин доценти наамы берилген.

2009-жылы И. Арабаев атындагы КМУнун биринчи проректорлук кызматына, 2010-жылы ректорлук кызматка дайындалган.

2015-жылы шайлоодо И.Арабаев атындагы Кыргыз мамлекеттик университетинин жамаатынын көпчүлүк добушуна ээ болуп, кайрадан ректорлук кызматка бекиген.

2011-жылы докторлук диссертациясын ийгиликтүү жактаган. 2013-жылы “Тарых”  илиминин профессору жана “Билим берүүнүн менеджменти” магистрлик даражасына  ээ болгон. 

2014-жылы “Саясат-таануу” илиминин профессору наамына татыган.

Окумуштуу – насаатчылык  ишинде, 5 илимдин докторун, 11 илимдин кандидатын, 50 илимдин магистрантын даярдаганга жетишти.  

Коомдук иштери:

КР Илим жана техника жаатындагы Мамлекеттик сыйлыктар боюнча комитетинин мүчөсү;

КРнын Билим берүү жана илим министрлигинин коллегиясынын мүчөсү;

КР нын Билим берүү жана илим министрлигинин илимий-техникалык кеңешинин мүчөсү;

КРдин Жогорку аттестациялык комиссиясынын президиумунун мүчөсү;

КРнын Жогорку аттестациялык комиссиясынын мүчөсү;

2013-жылдан 2017 - жылга чейин  кандидаттык жана докторлук диссертацияларды жактоо боюнча Диссертациялык кеңештин төрагасы.

2017-жылдан бүгүнкү күнгө чейин Диссертациялык кеңештин мүчөсү.

КРнын Кыргызстан элинин ассамблеясынын Кеңешинин мүчөсү;

ЮНЕСКО  иштери боюнча Кыргыз мамлекетинин Улуттук комиссиясынын мүчөсү.

Педагогикалык кадрларды даярдоо боюнча КМШ өлкөлөрүнүн базалык уюму - МПМУнун Коомдук кеңешинин мүчөсү;

КРнын Өкмөтүнүн Билим берүү уюмдарынын потенциалын натыйжалуу пайдалануу боюнча ведомстволор аралык жумушчу тобунун мүчөсү (21.01.2020);

Билим берүү тармагына сиңирген эмгеги үчүн:

Кыргыз Республикасынын Илим жана техника жаатындагы мамлекеттик сыйлыгынын лауреты болгон;

Кыргыз республикасынын Жогорку Кеңешинин “Ардак грамотасы”;

Кыргыз республикасынын Өкмөтүнүн “Ардак грамотасы”;

Бишкек шаарынын мэринин “Ардак грамотасы”;

Кыргыз республикасынын Билим берүү жана илим министрлигинин “Ардак грамотасы”;

Кыргыз республикасынын Улуттук коопсуздук кызматынын (ГКНБ)  “Ардак грамотасы”;

Бишкек шаарынын Биринчи Май райондук администрациясынын “Ардак грамотасы”;

Кыргыз республикасынын Билим берүүсүнүн отличниги;

Кыргыз республикасынын Профсоюз уюмунун отличниги;

КРдин профсоюздарынын БКсынын “Эң мыкты иш берүүчү” номинациясы боюнча сыйлыктын ээси (2013-ж.).

Ислам өлкөлөрүнүн экономикалык кызматташтык уюмунун (ЭКО) илим чөйрөсүндөгү өзгөчө кызматы үчүн берилүүчү эл аралык престиждүү сыйлыгынын лауреаты (Баку, 2012 - ж);

Түрк дүйнөсүнүн илимий чөйрөсүндө жетишкен ийгиликтери үчүн сыйлыгынын лауреаты (Эскишехр, 2013, Түркия);

Аскар Салымбековдун Прогрессивдүү демилгелерди колдоо фондунун “Акыл-Тирек” номинациясынын лауреаты (2016 ж);

Профессор Төлөбек Абдырахмановдун 350 дөн ашык илимий эмгектери жарык көргөн. Алардын ичинен 17 монографиялары, документтердин жана материалдардын 10  жыйнактары, 21 окуу китеби жана окуу-методикалык колдонмолору жеке жана авторлоштукта, кыргыз жана орус тилдеринде Кыргызстан менен чет өлкөлөрдө жарык көргөн.