Ажибраимова, Айжамал Мусуратбековна
1959-жылы 5-январда Таласта (Кыргыз Республикасы) төрөлгөн. Евразия экономикалык биримдигинин сотунун судьясы кызматын аркалайт.
Айжамал Мусуратбековнанын улуту кыргыз.
Ажибраимова Айжамал Мусуратбековнанын жогорку юридикалык билими бар. 1982-жылы СССРдин 50 жылдыгы атындагы Кыргыз мамлекеттик университетинин юридикалык факультетин аяктаган. Орус жана кыргыз тилдеринде эркин сүйлөйт.
Эмгек жолу[түзөтүү | булагын түзөтүү]
Айжамал Мусуратбековна университетти бүтүргөнгө чейин эле Кыргыз Республикасынын Жогорку сотунда чабарман болуп иштеген (1975-1976-ж.ж.). Андан кийин үч жыл бою Октябрь райондук сотунун сот отурумунун катчысы болуп иштеген.
Андан соң Бишкек шаарындагы “Севводстрой” Автобаза трестинин юридикалык кеңешчиси (1979-ж.) болуп, ошол эле маалда Кыргыз Республикасынын Геология башкармалыгында (1979-1980-ж.ж.) да иштеген.
1980-жылдан тарта “Кыргызавтомашта” юридикалык кеңешчи, ал эми эки жылдан кийин Талас облустук аткаруу комитетинде (1982-1986-жылдары) улук консультант болуп иштеген.
Айжамал Ажибраимованын сот катары эмгек жолу 1986-жылы башталган. Биринчи кызматы – Талас шаардык сотунун судьясы болуп бир жыл иштеген. Андан кийин Талас облусунун Киров райондук сотунун судьясы (1991-жылга чейин) болуп иштеген.
1991-жылы Талас облустук сотунун төрагасынын орун басары болуп дайындалган. Бул кызматта 1993-жылга чейин иштеп, андан кийин Чүй облусунун Ысык-Ата райондук сотунун судьясы кызматына дайындалган.
1993-жылдан 1998-жылга чейин Айжамал Мусуратбековна Кыргыз Республикасынын Юстиция министрлигинин башкармалыгынын башчысынын орун басары, андан кийин башкармалыктын жетекчиси болуп иштеген.
1998-жылы Айжамал Мусуратбековна Ажибраимова Кыргыз Республикасынын Жогорку сотунун судьясы кызматына дайындалган.
2011-жылдын 8-июлунан бери Кыргыз Республикасынын Сотторду тандоо кеңешинин мүчөсү.
2016-жылдын 1-июнунан тартып Евразия экономикалык биримдигинин сотунун судьясы кызматына дайындалып, ушул күнгө чейин иштеп жатат.
Судьянын жогорку квалификациялык классына ээ.
Юриспруденцияда 33 жылдан ашык тажрыйбасы бар.
Ардак грамоталары[түзөтүү | булагын түзөтүү]
2009-жылы Кыргыз Республикасынын Ардак грамотасы менен сыйланган.
Үй-бүлөсү[түзөтүү | булагын түзөтүү]
Уулу – Карыпбеков Илим Майрамбекович (1979-жылы 13-августта туулган). ТНТ Кыргызстан “Консалт плюс” ЖЧКсынын экс-директору, КТРКнын мурдагы башкы директору, президент К.Бакиевдин маалында Катчылыктын кызматташуу боюнча кызматынын экс-жетекчиси.
Шилтемелер:[түзөтүү | булагын түзөтүү]
https://who.ca-news.org/people:11581
http://courteurasian.org/en/ajax/getJudge/?ID=2220(жеткиликсиз шилтеме)
https://www.politmer.kg/human/359 Archived 2022-03-01 at the Wayback Machine