Акматов Таштанбек
| Акматов Таштанбек Акматович | |||
 | |||
| Туулган датасы: |
сентябрь 1938 | ||
|---|---|---|---|
| Туулган жери: | |||
| Жарандыгы: | |||
| Балдары: |
10 балалуу | ||
| Сыйлыктары: |
| ||
Акматов Таштанбек (1938-ж. т., Тоң району, Көк-Сай айылы) — мал чарба өндүрүшүнүн новатору, мамлекеттик ишмер. Кыргыз ССРнин мал чарбасына эмгек сиңирген устаты (1974). Эки жолку Социалистик Эмгек Баатыры (1976, 1986).экономист
Өмүр таржымалы
[түзөтүү | булагын түзөтүү]1977-ж. К. И. Скрябин атындагы Кыргызстан айыл чарба институтун сырттан окуп бүтүргөн.
1955-жылдан Тоң районундагы 22-партсъезд атындагы колхоздун баш чабаны болуп иштеген.
1976—82-ж. койдон тел жана жүн алууда эң жогорку көрсөткүчтөргө жетишкен.
Акматов бригадалык көтөрүп алып иштөө ыгын колдонгон.
1982-ж. республикада 1-болуп ирилештирилген 9 кишиден турган чабан бригадасын түзүп, ал бригада 4 короо койду (2014 баш, анын ичинде 1505 тубар кой) баккан.
1983— 85-ж. анын бригадасы ар жүз тубар койдон 143 козу, 5,1 кг жүн алган.
1987— 90-ж. Кыргыз ССР ЖогоркуКенешинин Президиумунун төрагасы.
1991-жылдан Тоң районундагы «Ак-Булун» дыйкан чарбасынын жетекчиси.
Жетишкендиктери
[түзөтүү | булагын түзөтүү]Кой чарбасын ургаалдаштыруу проблемалары боюнча бир нече эмгектин автору: «Ийгилик эмнеден башталат» (1979), «Чабан жана сакмалчы» (1982), «Кой чарбасындагы коллективдик подряддын экономикалык натыйжалуулугу» (1984).
1974-жылдан СССР Жогорку Кенешинин депутаты, 1989—91-ж. СССР эл депутаты, 1987—90-ж. Кыргыз ССР Жогорку Кеңешинин депутаты.
Сыйлыктары
[түзөтүү | булагын түзөтүү]СССР мамлекеттик сыйлыгынын лауреаты (1982).
Акматов Ленин ордени жана медалдар менен сыйланган.
Акматовдун бюсту Тоң районунун Ак-Сай айылына 1988-ж. тургузулган (айкелчиси Т. Садыков, архитектору Б. Изаева).
Колдонулган адабияттар
[түзөтүү | булагын түзөтүү]- Ысык-Көл облусу энциклопедия. Бишкек-1994-ж.
Айрым шилтемелер
[түзөтүү | булагын түзөтүү]- Акматов: Жүз тубар койдон 185 козу алганым чын
- Акматов Таштанбек:Коммунист бойдонмун(жеткиликсиз шилтеме)
- "Адамдардан алыстап табият менен бирге болгум келди" Archived 2016-07-22 at the Wayback Machine
- "Утурумдук нерселерден оолак болгум келет" Archived 2013-09-13 at the Wayback Machine