Аксай, тоо

Wikipedia дан
Jump to navigation Jump to search

Аксай, тоо – Түркстан кырка тоосунун түндүк тармагы. Каравшин суусунун алабында. Тоо кеңдик багытта 21 кмге созулуп жатат. Туурасы 5–6 км. Орточо бийиктиги 2800–3000 м, эң бийик жери 3564 м.

Жону негизинен жайпагыраак, аска жокко эсе. Капталдары тик (40–50°) жана кыска, жар, кокту-колоттуу. Карбон мезгилинин акиташ теги, кремнийлүү боксит тектеринен турат. Капталдарына талаа (1500–1600 м бийиктикке чейин; кызылот, аюучач, сарындыз жана башкалар басымдуу), арча токойлуу шалбаалуу талаа (2700–2800 мге чейин) жана талаа (бетеге, ыраң жана башкалар) ландшафт алкактары мүнөздүү. Жайкы жайыт.

Колдонулган адабияттар[оңдоо | булагын оңдоо]