Ак төштүү карабоор

Ак төштүү карабоор (Pterocles alchata), (Linnaeus, 1758):

Жалпы жана өлкөдө таралышы

Түштүк Европа, Кичи, Алдынкы жана Орто Азия. Кыргызстандын территориясында Нарын областында жана Атбашы дарыясынын жайылмасында учуп өтүү мезгилинде гана кездешет .

Жашаган аймактары

Башка кара боорлорго караганда кумдуу жерлер менен көбүрөөк байланышкан. Көпчүлүк учурда чополуу жана шор жерлер менен кезектешип турган дөңдүү кумдарда жашайт. Сууга жакын жерлерде уялайт

Саны

Так маалымат жок, бирок бардык жерде аз санда. ==Жашоо тиричилиги (жашоо циклдары)==Жазда марттын аягында апрелдин башында кездешет. Колония болуп уялайт, уясын кумдуу дөңдүн жантаймасында же чополуу жерлерде, көбүнчө өсүмдүктөрдүн көлөкөсүндө салышат. Бир басканга 2-3 жумуртка тууйт. Ата-эне экөө тең 21-23 күн басышат. Балапандары чоңойгондо үйбүлөлөр чогулуп көчүшөт

Чектөөчү факторлор

Изилденген эмес.

Көбөйтүү (колдо багуу)

Маалымат жок.

Уюштурулган коргоо аракеттери

Атайын коргоо иш-аракеттери иштелип чыккан эмес.

Коргоо үчүн зарыл аракеттер

Түрдү коргоону пропагандалоо.

Статусу

VI категория, Near Threatened, NT: R Аз сандуу түр, аз изилденген. P.a.caudatus ( S.G. Gmelin, 1774) түрчөсү кездешүүдө.

Колдонулган адабияттар

• Кыргыз Республикасынын Кызыл китеби 2-басылышы – Бишкек: 2006. – 544 б. – ISBN 9967-23-367-2