Амангелди Абдувапов
Жазуучу жана публицист Амангелди Абдувапов Кара-Суу районунун Жоош айылында 1947-жылы туулган. Туулган айылындагы Токтогул атындагы орто мектепти аяктаган соң, Кара-Суу совхозунда жумушчу болуп иштеген. 1970-жылдан «Агартуу», «Победа» орто мектептеринде, 1978-жылдан №59 кесиптик-техникалык окуу жайында кадрлар бөлүмүнүн начальниги болуп иштеген.
Ош педагогикалык институтунун филология факультетин сырттан окуп бүтүрүп, Кара-Суу районундагы Т.Бердибаев атындагы орто мектепте иштеп келген. 1960-жылы «Кыйраган өрүкзар» деген чыгармасы райондук «Эмгек майданы» гезитине жарыяланып, кийин бир нече аңгемелер жыйнагы, документалдуу повести жарыкка чыккан. 1997-жылдан Кыргыз Республикасынын Жазуучулар союзунун мүчөсү.
Жарык көргөн китептери
[түзөтүү | булагын түзөтүү]Кыргыз тилинде
[түзөтүү | булагын түзөтүү]- Күн бетинде жүгүргөн жоокер: Аңгемелер. – Ош, 1993. – 48 б.
- Акыркы мечит: Аңгемелер. – Ош, 1996. – 20 б.
- Мухит жамгырдан жаралат: Даректүү баян. – Ош, 1997. – 112 б.
- Өмүрдөгү издер: Эскерүүлөр. – Ош, 1999. – 48 б.
Колдонулган адабият
[түзөтүү | булагын түзөтүү]- Кыргыз Республикасынын жазуучулары / 2-том. Кыргыз Республикасынын Интеллектуалдык менчик мамлекеттик кызматы (Кыргызпатент) – Б.: 2011. – б. Түзүүчүлөр: А.Чекиров, Ө.Калыева.