Анастасян Сергей Нерисович

Анастасян Сергей Нерисович (1902, Азербайжан, Мардакерск району - 1978) - ветеринария илимдеринин доктору (1954), профессор (1955). Кыргыз ССРинин илимге эмгек сиңирген ишмери. Казань университетин (1931), аспирантурасын (1935) бүтүргөн. Казань ветеринардык институтунда кызматкер, КАЧИнин эпизоотология жана паразитология кафедра башчысы болуп иштеген. Эпизоотология боюнча адис. 90дон ашык илимий эмгеги жарык көргөн. Илимий эмгеги: Инфекционная плевропневмония коз. Ф., 1954.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1