Ангас (эл)

Ангас (өз аталышы керанг, карангма, ангасава, нгасма) — Нигериянын Плато штатында жашаган эл.
Саны 250 миң адам (1992).
Анкве жана сура элдерине жакын.
Ангас эли тоолуктарга жана түздүктөгүлөргө (өздөрүн гурна деп аташат) бөлүнөт.

Тил

Ангас жана хауса тилдеринде сүйлөшөт.

Дин

Көпчүлүк — мусулмандар (сүннөттөр). Калгандары жергиликтүү салттуу ишенимдерди карманышат (ата-бабалардын жана жаратылыш күчтөрүнүн культу, магияга ишенүү).

Чарбачылык

Түздүктө жашагандар (гурна) кол менен иштетилген дыйкан чарбасы (кассава, таруу, сорго, күрүч, жүгөрү, батат, жер жаңгак, ямс) менен алектенишет, тоолу жерлерде — малчылык менен.

Кол өнөрчүлүк

Кол өнөрчүлүктүн ичинен токуучулук, карапачылык, темир устачылык өнүккөн.

Социум

Чоң үй-бүлөлүк жамааттар коомдук уюмдун негизин түзөт. Нике патрилокалдуу. Тууганчылыктын эсеби аталык.
Азыркы убакта хауса эли менен консолидация процесси жүрүп жатат.

Турак жай

Чатыры конус чөп менен жабылган тегерек чопо алачыктар.

Тамак-аш

Ботколор, шорполор, сүт жана өсүмдүк азыктары.