Анaнас

Ананас же Чыныгы ананас (лат. Ananas, Ananas comosus) — бромель (Bromeliaceae) тукумундагы көп жылдык тропик чөп өсүмдүгү. Жалбырагы жазы, тасма сымал, калың, кыры тикендүү, узундугу 80 смге чейин. Машакча топ гүлдүү.

Ананас (Ananas comosus)
Ananas bromeliaceae.
Илимий классификация
дүйнөсү:	өсүмдүк
бөлүгү:	жогорку өсүмдүктөр
классы:	трахеофит
түркүмү:	уруктуу өсүмдүктөр
тукуму:	жабык уруктуулар
уруусу:	бир үлүштүү өсүмдүктөр
түрү:	коммелениддер
Биноминалдык аталышы
Кыякчылар Бромель (Bromeliaceae)
Урукчалар
Brocchinioideae Bromelioideae Hechtioideae Lindmanioideae Navioideae Pitcairnioideae Puyoideae Tillandsioideae

Гүл жалбыракчасы бири бирине жабышып өсүп, сүйрү, чоң, сары топ мөмө (жемиш) берет. Ал назик, даамы кычкыл-таттуу, жыттуу келип, салмагы 215 кгга жетет, уругу болбойт. Гавайи, Филиппин, Тайвань, Цейлон аралдары, Инди-Кытай жана башкаларда өстүрүлөт. Тропиктик Америкада 5-6 түрү бар. Анын мөмөсүндө кант, азоттуу заттар, кислоталар, күл болот. Мөмөсү жаңы кезинде желет, ошондой эле консерва түрүндө тамак-ашка колдонулат. Кыям жана конфет жасалат. Aнaнастын жалбырагынан баалуу техникалык була алынат. Чырпыгы, калемчеси, кээде мөмөсүнүн жогору жагындагы жалбырактарын тамырлатуу менен көбөйтүүгө болот.

Сорттору

Ananas comosus var. comosus'тун эң ири сорттору болуп "Smooth Cayenne", "Spanish", "Queen", "Abacaxi" жана "Pernambuco" болуп эсептелинишет.

Smooth Cayenne сорттор тобу:

• Baron de Rothschild
• G-25
• Dominguo
• Gaimpew
• Maipure
• Sarawak
• La Esmeralda
• Hilo
• Kew
• Champaca
• Amritha
• MD-2

Spanish сорттор тобу:

• Pina blanca
• Red Spanish
• Cabezona
• Canning
• Valera Amarilla Roja

Queen сорттор тобу:

• Natal Queen
• Mcgregor
• Z-Queen

Abacaxi сорттор тобу:

• Kona Sugarloaf
• Black Jamaica

Tard Sri Thong
Sriracha
Phu Lae же Baby
Mauritius

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1