Аргас кенелери
Аргас кенелери (лат. Argasidae) - кан соруучу кенелер тукуму. Демейде кененин дене узундугу 2-13 мм, күңүрт-боз түстө, башы анча чоң эмес, көзү жок. Алар көбүнчө адам жашаган турак-жайда жана мал сарайларда кездешет. Кан менен азыктанат. Ал 30-40 минга чейин кан сорот, тойгон кене кайрадан жерге түшүп тактай жаракаларына, тешиктерге кирет. Аргас кенелери 20-25 жылга чейин жашайт. Алардын 100дөй түрү негизинен жылуу жана кургак райондордо кезигет. Ичкелте оорусун козгойт. Ооруну козгоочу микробактериялар адам денесине кененин шилекейи аркылуу жугат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1