Беллинсг Аузен Фаддей Фаддеевич

Wikipedia дан
Jump to navigation Jump to search

Беллинсг Аузен Фаддей Фаддеевич - (9 (20). 9. 1778, Эстония, Эзель (азыркы Сааремаа а.) 13(25).1.1852, (Россия), Кронштадт) орус деңиз саякатчысы, адмирал (1843). Кронштадттагы Деңиз кадет корпусунан билим алган. 1803-06-ж. Жер шарын айланган 1-орус саякатына катышкан. 1807-18-ж. Балтика жана Кара деңиз флотторундагы кемелерди, 1819-21-ж. Жер шарын айлануу үчүн уюшулган экспедицияны башкарган. Экспедиция 1819-ж. Атлантика океанынын Антарктикалык бөлүгүндөгү бир нече аралды, 1820-ж. 16(28)-январда Антарктиданы, 1821-ж. Пётр Iнин ысмынан аталган аралды, Александр Iнин ысмынан аталган өткөөлдү, Тынч океандын тропиктик бөлүгүндө бир нече аралды тапкан. 1821-ж. июль августта экспедиция 751 күндүк деңиз саякатынан Кронштадтка кайтып келген. Беллин 1828-29-ж. түрк-орус согушуна катышкан. 1839-жылдан Кронштадттын согуш губернатору болгон. Беллиндин ысмынан Тынч океандагы деңиз, Түштүк Сахалиндеги тумшук, Туамоту архипелагындагы арал ж. б. аталган. Эмгектери: Двукратные изыскания в Южном Ледовитном океане и плавание вокруг света в продолжение 1819, 20 и 21 гг., Совершенные на шлюпах «Восток» и «Мирный». 3-е изд. М., 1960.

Колдонулган адабияттар[оңдоо | булагын оңдоо]

  • «Кыргызстан». Улуттук энциклопедия: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4