Болонья

Отурукташкан жай Болонья Желек Герб Облустук аймак ИталияИталия Шаар Болонья шаары Координаттар 44°29′00″ с. ш. 11°20′00″ в. д. Тарыхы жана Географиясы Борбору Болонья Убакыт аралыгы UTC+1 Калкы Расмий тили Италян тили Калкы 367 200 адам (2005) Улуттук курамы Италяндар Диний курамы Католицизм Сандык идентификаторлор Телефон коду +39 051 Почта индекси 40100 Автоунаа коду BO

Болонья (лат. Bononia, итал. Bologna [boˈloɲɲa] ) — Түндүк Италиядагы шаар. Рено дарыясынын боюнда жайгашкан. Болонья провинциясынын жана Эмилия-Романья облусунун администрациялык борбору.

Калкы

2005 -жылкы калкы 367,2 миң адам болгон.

Тарыхы

Болоньянын тарыхы бай. Б.з.ч. 6-кылымдын аягында этрусктардын Фельсина борбору болгон. Б.з.ч. 4-кылымда шаар бойлор тарабынан басып алынган. Орто кылымдарда Болонья укук мектеби менен даңкталган. 11-кылымда негизделген университети Европадагы эң байыркы университеттердин бири болуп эсептелет.

Архитектурасы

Шаарда көп тарыхый эстеликтер бар. Сан-Стефано чиркөө комплекси (11-13-кылым) роман стилинде курулган. Сан-Доминико, Сан-Петронио чиркөөсү (14-17-кылым) жана готика, ренессанс, барокко стилиндеги сарайлар сакталып калган. 1425–1438-жылдары Якопо делла Кверча ренессанс стилиндеги айкел порталдарын жасаган.

Болоньяда машина куруу, кара металлургия, химиялык, фармацевтика, полиграфия, жеңил, тамак-аш жана текстиль өнөр жайлары өнүккөн.

Шаарда Улуттук атом изилдөө борбору, Улуттук пинакотека жана бир нече музейлер бар.

1999-жылы Болоньяда бирдиктүү европалык билим берүү системасын түзүү боюнча эл аралык келишим — "Болонья келишими" кабыл алынган.

Дагы окуңуз

• Болонья процесси
• Болонья университети

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4