Боортоктоп жылуу

Шарты

Оюнчулардын саны 3—5 киши.

Оюн өткөрүлүүчү жер: аянтчада, талаада, спорттук бөлмөдө өткөрүлөт,

Оюнга даярдануу

Оюнчулар бир катар болуп ичтеринде жатышып оюндун шарты, оюн өткөрүлүүчү аралык жөнүндө сүйлөшүп алышат.

Оюндун баяны

Оюнчулар, оюнчулардын бирөөсүнүн буйругу боюнча белгиленген аралыктан бат боортоктоп жылып өтүүгө аракеттенишет. Оюн, оюнчулар каалаган убакытка чейин уланат. Марага биринчи келген оюнчу, оюндун жеңүүчүсү болот.

Оюндун башка түрлөрү

Чалкасынан жатып жылуу, капталынан жылуу, отуруп жылуу.

Оюндун эрежеси

Оюнда буйруктан мурда аракеттенүүгө, бир бирине жакын турууга, тоскоолдук кылууга, белгиленген аралыкты толук өтпөй коюуга болбойт.

Оюнга методикалык көрсөтмө

Оюн өткөрүлүүчү жер таза, тегиз, башка буюмдарсыз болушу керек. Оюнчулардын саны көп болсо, аларды топторго бөлүп өткөрсө болот.

Оюндун педагогикалык мааниси

Оюнда күч, ийилчээктикке, чыдамкайлыкка тарбияланат, боортоктоп тез жүгүрүүгө үйрөтөт.

Колдонулган адабияттар

• Х. Н. Анаркулов. Кыргыз эл оюндары. -Ф.: 1981, ISBN-10(13):5-65500669-3