Бостон университети
Бостон университети (англ. Boston University; БУ деп да аталат) — АКШнын Бостон шаарында жайгашкан жеке менчиктүү изилдөө университети. Университет бардык диндерди бириктирген окуу жай жана ал тарыхый Бириккен усулдук чиркөө менен байланышы бар[1].
Университетте 3900 окутуучу жана 33 000ге жакын студент бар, жана ошондой эле Бостон шаарында жумуш менен камсыздоочулардын эң ириси болуп саналат. Анын эки шаарда жайгашкан 17 мектебинде жана коллеждеринде бакалавр, магистратура, докторлук даражалары бар, жана ошондой эле окуу жай медициналык, стоматологиялык, бизнес, жана укук даражаларын да сунуш кылат. Башкы кампусу Чарльз дарыясын бойлой, Бостон Фенуэй-Кенмор жана Олстон аймактарында жайгашса, Бостон университетинин Медициналык кампусу Бостондун Саут-Энд районунда жайгашкан.
Анын бүтүрүүчүлөрү жана учурдагы же мурунку окутуучулар арасында Нобель сыйлыгынын 8 лауреаты, 23 Pulitzer Prize утуучулары, 10 Rhodes Scholars мүчөсү, 6 Marshall Scholars мүчөсү, 9 Academy Award утуучулары, жана бир нече Эмми жана Тони лауреаттары бар. Бостон Университети Макартур, Фулбрайт, Трумэн жана Гуггенхайм стипендиялык ээлерине, жана ошондой эле азыркы жана мурунку бүтүрүүчүлөр менен окутуучулар арасында Американын искусство жана илимдер академиясынын жана Улуттук илимдер академиясынын мүчөлөрү бар. 1876-жылы профессор Александр Грэхем Белл Бостон университетинин лабораториясынан телефонду ойлоп чыгарган. Америкалык жарандык укуктар үчүн кыймылынын лидери жана 1964-жылы тынчтык үчүн Нобель сыйлыгын алган Мартин Лютер Кинг-кичүүсү 1955-жылы Теология боюнча доктордук даражасын алган.